Popular Bible Verses from Jeremia 23

Share

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny. E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

“Enobed malich manade kuom jotelo ma weyo joga inego kendo ikeyo.

Abiro choko joga modong’, kagolo e pinje duto mane akeyogie, kendo nadwokgi e pinygi. Gininywol nyithindo mang’eny mi ginya. Anaketnigi jotelo ma noritgi maber, mi onge gima nobwoggi kata ma nomi gibed maluor, bende onge ng’ato kuomgi ma noyud kolal. An Ruoth Nyasaye ema awacho kamano.’

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.