Popular Bible Verses from Jakobo 1

Share

Owetena, ka uyudo tem mayoreyore, to kwanreuru ka johawi, nimar ung’eyo ni tem mitemogo yieu ema miyo ubedo gi kinda.

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

To nyaka utim kinda nyaka giko mondo ubed joma olony kendo makare chutho, ma ok urem e yo moro amora.

To kik uwuondru, kuwinjo wach awinja, to beduru joma timo gima uwinjo.

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Ng’at ma winjo wach awinja to ok tim, chalo gi ng’at mang’iyore e rang’i. Koseng’iyo kamano, to bang’e odhi, to piyopiyo nono wiye wil gi kite kaka chalo.

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.

To ng’at ma itemo kik wach ni Nyasaye teme, nikech onge richo manyalo temo Nyasaye, kendo en owuon ok otem ng’ato. To ng’ato ka ng’ato gombone owuon ema temo kendo yondho.

Ka Nyasaye oting’o owadwa moro modhier malo, to mondo obed mamor.