Popular Bible Verses from Isaya 6

Share

Bang’ mano ne awinjo ka Ruoth Nyasaye wacho niya, “Ere ng’ama daor? Koso ng’ano ma dibed jaotena?” An to ne adwoko niya, “Era e, an ema mondo iora.”

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

E higa mane ruoth Uzia othoe, ne aneno Ruoth Nyasaye ka obet e kome moting’ore malo kendo moluor, ka lawe morwako opong’o Hekalu.

mane osegolo e kendo-mar-misango gi ramaki. Ne orewo dhoga ka owacho niya, “Winji, majni oserewo dhogi, omiyo timbeni mamono oweni. Adier, richoni opwodhi.”

Malaike miluongo ni serafi ne ni bute. Moro ka moro ne nigi buombe auchiel, ma ariyo oumogo wang’e, to ariyo mamoko oumogo tiendene, kendo ariyo modong’ ohuyogo.

Eka malaika moro nohuyo, mobiro ira koting’o mach

Eka nowachona niya, “Dhiyo mondo inyis jogi kama: ‘Kata da bed ni uchiko itu machal nade, to ok unuwinji. Bende kata da bed ni ung’icho matek machal nade, to ok unufweny gimoro.’

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”