Popular Bible Verses from Isaya 41

Share

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Koro neuru! Jogu duto ma mon kodu wigi biro kuot, mi gidhier nono. Adier, jogo duto ma kedo kodu norum mi lal nono.

ne aluongou mondo ua kuonde maboyo. Aseluongou ni jotichna, kendo aseyierou ma ok awitou.

Unudwar wasikugo, to ok unuyudgi. Chutho, jogo mane kedo kodu ok nobed gimoro kata matin

In oganda Jakobo, in kudni akuda, to kik ibed maluor. Yaye, in Israel ma onge ndhathe, kik kibaji goyi. An Ruoth Nyasaye ema awacho kamano.

To un jo-Israel jotichna, aseyierou, mi agolou e giko piny kuonde mane untie. Adier, un nyikwa Jakobo ma aseyiero, kendo ma koth Ibrahim osiepna

Abiro miyo aore wuogi kuonde motwo motimo kwoyo, kendo sokni tuchi e holni. Bende abiro miyo yewni bedi e piny motimo ongoro, mi pi bubni e piny motwo.

Joma odhier kod joma chandore manyo pi, to ok ginwang’, omiyo dwondgi otwo nikech riyo, to an Ruoth Nyasaye abiro dwoko kwayogi. Adier, an Nyasach Israel ok najwang’gi.

To koro apenjo ni, mano en tij ng’a? Koso en ng’a mamiyo mago duto timore? En ng’a mamiyo tienge luwore nyaka ne piny chakre? En mana an, Ruoth Nyasaye. An ema akwongo, kendo anie nyamgiko.

Abiro pidho yien mopogore opogore kuonde motwo, mondo ji duto one kendo ong’e ni, Ruoth Nyasaye, ma Ng’ama Ler mar Israel ema osetimo kamano.