Popular Bible Verses from Isaya 25

Share

A Ruoth Nyasaye, in e Nyasacha! Anating’ nyingi malo, kendo anapaki, nikech honni mane ichano chon, isetimo gi adiera.

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Chieng’no ji nowach niya, “Ma e Nyasachwa, ma waserito mondo oreswa. Adier, ma e Ruoth Nyasachwa ma wageno kuome, omiyo wabeduru mamor kendo moil, nikech osewarowa

Ewi godni ema Ruoth Nyasaye nogolie kanik moumo wang’ ogendini duto.

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.