Popular Bible Verses from Isaya 17

Share

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Piny Israel ok nochak oobed gi dala mochiel motegno, bende Damaski ok nochak obed gi ruoth, kendo jo-Aram manok modong’ noneg duto, nimar duong’gi nolal nono, mana kaka duong’ mar Israel biro lal. Mago e weche mag Ruoth Nyasaye Manyalo Gik Moko Duto.

E ndalogo, duong’ mar Israel nomich matin, mana ka ng’at ma tuo ochamo dende, kendo chue ma yande ochuego olal nono

Ji ok nodag e mier mage nyaka chieng’, kendo miergo nodong’ mana kuonde ma jamni kwayoe mos ma onge gima thaggi.