Popular Bible Verses from Ezekiel 18

Share

Ok adwar ni mondo ng’ato otho. Omiyo an Ruoth Nyasaye awacho kama: Weuru timo richo mondo ubed mangima.”

To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’

Adier, weuru richo duto ma usebedo ka utimo mondo ubed gi chuny manyien kod paro malong’o. Ere gima omiyo udwaro tho, un jo-Israel?

Uparo ni berna ka ng’at ma timbene mono tho? Ooyo, dibedna maber mana ka oweyo richone, mi obedo mangima. An Ruoth Nyasaye ema awacho kamano.

“Ka ng’at ma timbene mono oweyo richone, mi orito chikena kendo otimo timbe makare kendo malong’o, to ok notho, to nobed mangima.

Oluwo chikena, kendo orito buchena. Ng’at ma kamano en ng’at makare, omiyo enobed mangima. An Ruoth Nyasaye ema awacho kamano.