Popular Bible Verses from Eklesiastes 8

Share

Kuom mano, aneno ni ng’ato nyaka cham raha, nikech onge mor ma dhano nigo mak mana chiemo gi metho kod chamo mwandune. Mano e pok moyudo kuom tich matek motiyo e kinde ma Nyasaye omiyego ngima e piny ka.

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber

nimar nitie yo maber kod kinde maber monego timie gimoro amora, to gima chandowa en mana ni wan ok wang’eyo.

Onge ng’ama nyalo geng’o tho mondo kik nege, kata ng’ama nyalo chwalo chieng’ thone nyime. Ka lweny owuok, to onge tony! Onge gima wanyalo timo mi wakwo.

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

To mano nono, nikech kinono gik matimore e piny, to ibiro yudo ni sa moro joma kare yudo kum ma joricho ema onego oyudi, to joricho yudo pok ma joma kare ema onego yudi. Mano emomiyo awacho ni gik moko duto onge tich.

Onge ng’ato kata achiel mong’eyo gima biro timore, to bende ere ng’ama dinyiswa?