Popular Bible Verses from Eklesiastes 1

Share

Rieko mang’eny kelo mana parruok mathoth. Adier, ka ing’eyo gik mang’eny, to imedo mana bedo gi chuny lit.

Gik ma osetimore biro timore kendo, bende gik mane dhano osetimo, obiro mana timo kendo. Onge gima nyien e piny ka.

Gik moko duto miyo dhano bedo mool. Adier, ool motamore gi nono. Kata obedo ni wengewa neno gik mang’eny, to pod gidwaro mana neno gik moko. Itwa bende winjo weche mathoth, to pod dwaro mana winjo weche manyien.

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel! Ere ohala ma dhano yudo kuom gik moko duto motimo e piny ka?

Aseneno gik moko duto matimore e piny ka mi afwenyo ni gionge tich, mana ka yamo makadho.

Tieng’ achiel kadho, kendo tieng’ machielo biro. Piny to osiko mana kaka en.

Tieng’wani ok par joma chon, mana kaka tieng’ mabiro luwo bang’wa ok noparwa.”

Ne aseketo chunya mondo apuonjra kendo ang’e pogruok manie kind ng’eyo gi fuwo, kendo manie kind rieko gi memruok. To asefwenyo ni mano bende en mana gima nono, ka yamo makadho.