Popular Bible Verses from 1 Jo-Thesalonika 4

Share

Bang’e, wan mapod wangima noyudhwa, mi terwa malo e boche polo kaachiel gi jogo, mondo warom ni Ruoth e kor polo. Mano e kaka Ruoth noterwa mondo wabed kode nyaka chieng’.

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Nyasaye dwaro ni mondo ubed joma ler, omiyo nyaka uwe terruok. Ng’ato ka ng’ato kuomu mondo ong’e rito ringre owuon e yo maler kendo mipako.

Wayie ni Yesu notho, kendo ochako ochier. Kamano bende e kaka wach joma otho koyie kuom Kristo nobedi. Nyasaye nokelgi kaachiel gi Yesu.

Dwaruru dak e ngima mokue, kendo tiju kende ema urangi, ka utiyo gi luetu mana kaka ne wapuonjou mokwongo.

Nyasaye ok oseluongowa mondo wadag e dwanyruok, to oseluongowa mondo wabed joma ler.