Popular Bible Verses from 1 Jo-Korintho 3

Share

Donge ung’eyo ni un e Hekalu mar Nyasaye, kendo ni Roho mar Nyasaye odak e iu?

Onge mise moro nono ma ng’ato nyalo keto mak mana mise ma oseketi, ma en Yesu Kristo.

Kamano ng’at ma opidho yath, kata ng’at moolo pi ok kwan ni osetimo gimoro, to mak mana Nyasaye momiyo yadhno odongo ema otimo gimoro.

Waduto wan jotich Nyasaye; un to un puoth Nyasaye, kendo un ot ma Nyasaye gero.

to tich ng’ato ka ng’ato nong’ere malong’o mana Chieng’ Giko. Chieng’no nobi gi mach, kendo mach notem tich mane ng’ato ka ng’ato otiyo.

Onge pogruok manie e kind jal ma pidho gi jal maolo pi, to Nyasaye nomi ng’ato ka ng’ato pok mana kaka tichne owuon obet.

Kik ng’ato wuondre owuon! Ka ng’ato kuomu galo ni en ng’at mariek, kaka pinyni okwano rieko, to onego obed mofuwo, eka mondo obed mariek adier