Popular Bible Verses from 提多書 2

Share

因為上帝拯救全人類个恩典已經顯明出來了。 這恩典訓練𠊎等：愛棄絕無敬虔个生活㧯屬世个私慾；在今生愛用節制、正直，㧯敬虔來過日仔，

來等候𠊎等所盼望蒙恩个日仔來到。該時，至大个上帝 — 𠊎等救主 耶穌基督个榮耀愛顯現。 基督為𠊎等犧牲自家，係愛救贖𠊎等脫離一切个邪惡，使𠊎等成做佢純潔个子民來歸屬佢，熱心來行善。

當然，你自家無論在㖠方面都愛有好行為，做人个模範。教人个時愛誠懇、穩重， 所講个話愛妥當，毋好被人指責。恁樣，該兜好反對个人，因為尋毋到𠊎等个毋著，就無話好講，反轉自家感覺見笑。