Popular Bible Verses from 羅馬書 8

Share

𠊎等知，上帝同該兜敬愛佢个人，就係佢照自家个旨意所呼召个，共下工作，使萬事攏總有利益 。

因為𠊎確信，無麼介能使𠊎等同上帝个痛惜隔絕：不管係死，抑係生；係天使，抑係其他在天頂掌權个；係這下个，抑係將來个； 係在高天个，抑係在深淵个；抑係受造个宇宙中一切个東西。無麼介能使𠊎等同上帝个痛惜隔絕；佢个痛惜係通過𠊎等个主基督耶穌賜給𠊎等个。

共樣，𠊎等个軟弱有聖靈幫助。𠊎等本來毋知愛樣般祈禱；總係，聖靈親自用講毋出个歎息來為𠊎等對上帝祈求。

既然恁樣，𠊎等愛樣般講呢？上帝若在𠊎等這片，麼人能同𠊎等作對呢？

這下，該兜生在基督耶穌生命底背个人就毋使受定罪了。

心向等肉體，結果就係死；心向等聖靈，正會得到生命㧯平安。

攏總毋係！在這一切事情頂高，𠊎等靠痛惜𠊎等个主已經穩贏了！

𠊎想，𠊎等這下个苦難，同將來愛顯明給𠊎等个榮光來比，實在毋算麼介。

既然恁樣，有麼人能使𠊎等同基督个痛惜隔絕呢？係患難嗎？係困苦嗎？係迫害嗎？係肚飢嗎？係窮苦嗎？係危險嗎？係刀劍嗎？

鑒察人心个上帝知聖靈个意思，因為聖靈照上帝个旨意，代聖徒祈求。

被上帝个靈帶領个人，佢等就係上帝个子女。

因為，降服肉體个人心肝所想个就係肉體个事；順從聖靈个人心肝所想个就係聖靈所要求个事。

連自家个孻仔，佢也拌得犧牲，賜給𠊎等眾人。敢講佢毋會將萬物也白白賜給𠊎等嗎？

上帝个靈㧯𠊎等个靈相共證明𠊎等係上帝个子女。 既然係上帝个子女，𠊎等就有好享受上帝為佢个子民所預備个福氣，也愛同基督共下享受上帝為佢所保留个；因為，若係𠊎等分擔基督个苦難，𠊎等就有好分享佢个榮光。

所以，心向等肉體个人就係同上帝作對；因為佢毋順從上帝个規則，事實上也做毋到。

一切受造个，攏總熱誠盼望上帝个眾子女顯明出來。

𠊎等知，直到這下，一切受造个全部在痛苦中緊噌，像生產前个陣痛。