Popular Bible Verses from 羅馬書 6

Share

因為罪个代價就係死；總係上帝所賜个恩典就係俾𠊎等同𠊎等个主基督耶穌合而為一，來得到永生。

罪定著毋會管轄你等；因為你等已經毋係在法律底下，係在上帝个恩典之下。

通過洗禮，𠊎等已經同佢共下死，共下埋葬了！這係為到愛使𠊎等過新个生活；像天頂个阿爸用佢榮耀个大能，使基督對死復活共樣。

你等身體个每一部份也毋好向罪投降，去做邪惡个器皿。顛倒，你等愛將自家獻給上帝，像對死復活个人，將歸個人奉獻給佢，做公義个器皿。

𠊎等知，𠊎等个舊人已經同基督共下釘十字架，係愛毀滅𠊎等有罪个身體，使𠊎等毋會再做罪个奴隸；

共樣，對罪這方面來講，你等愛看自家係死掉个，總係在基督耶穌个生命底背，你等係為上帝來生。

恁樣，𠊎等愛樣般講呢？𠊎等做得繼續生活在罪个底背，來俾上帝个恩典增加嗎？ 當然做毋得！對罪來講，𠊎等已經死掉。𠊎等樣般做得繼續生活在罪个底背呢？

你等敢毋知，你等做人个奴僕就愛服從主人；服從麼人，你等就係佢个奴僕。這就係講，你等做罪个奴僕，結果就係死；你等順從上帝，就成做義人。

感謝上帝！雖然你等識做罪个奴僕，總係這下，你等一心順從所傳給你等个教訓。 你等已經對罪中釋放出來，成做義个奴僕。