Popular Bible Verses from 羅馬書 14

Share

因為順從上帝个主權毋係靠食物，係靠聖靈所賜个公正、和平，㧯喜樂。 恁樣服事基督个人，一定會得到上帝个歡喜㧯人个稱讚。

𠊎等若係生，係為到主來生；若係死，也係為到主來死。恁樣來講，無論係生抑係死，𠊎等攏總係屬主个人。

所以，𠊎等愛追求和睦㧯彼此造就个事。

所以，𠊎等毋好繼續彼此論斷下去；應該下決心，毋做會害兄弟姊妹跌倒犯罪个事。

因為聖經講： 主講：𠊎指等𠊎个生命發誓， 逐個人攏總愛跪落去拜𠊎； 人類全部愛承認𠊎係上帝。 恁樣來講，𠊎等每一個人定著愛將自家个事在上帝个面前交帶清楚。

信心軟弱个人，你等愛接納佢；意見無共樣，也毋好同佢辯論。

你係麼人，樣敢論斷別人个僕人？佢係成功抑係失敗，有佢个主人來管。佢會成功，因為主會幫助佢，使佢企得正。