Popular Bible Verses from 羅馬書 10

Share

你若係嘴承認耶穌做主，心相信上帝使佢對死復活，你就會得救。

因為𠊎等心恁樣相信，就會得到成做義人；嘴恁樣承認，就會得救。

可見，信係對聽來个，聽係對傳揚基督來个。

聖經講：「凡信靠佢个人就毋會失望。」 這句話係指所有个人講个，因為無 猶太 人㧯外邦人个分別；上帝係萬人个主，佢愛豐豐富富賜福給所有求喊佢个人。 就像聖經所講：「凡求喊主名个人一定得救。」

無人奉差派，樣般會有人傳呢？像聖經所講：「傳福音个人，佢等个腳跡還靚噢！」

總係，佢等無信佢，樣般會求喊佢呢？無聽到，樣般會信呢？無人傳，樣般會有好聽呢？

其實，基督已經使法律个功效停止，使一切信佢个人攏總得到成做義人。