Popular Bible Verses from 雅各書 3

Share

顛倒，對頂高來个智慧有幾樣特色：第一係純潔，然後係和平、溫和、好參詳，充滿慈悲，能結出豐富个善果，毋會偏心，也毋會虛假。

你等中間有聰明智慧个人麼？若有，佢就應該用謙卑㧯智慧个好行為，來表現佢當靚个生活。

促進和平个人係用和平來委種，就收割公義个果子。

㖠位有嫉妒㧯自私，㖠位就會有混亂㧯各種邪惡个行為。

𠊎等用舌乸感謝主 — 𠊎等个天父，又用舌乸咒詛上帝照自家个形像所造出來个人。 感謝㧯咒詛全部對共張嘴出來！𠊎个兄弟姊妹啊，這係盡毋應該个！

舌乸像火一樣，在𠊎等个百體中，它係罪惡个世界，會害𠊎等歸身打垃圾；它會用對地獄來个火來焚燒𠊎等人生个路程。

總係，無人能制伏舌乸；它係無法制伏个惡物，充滿害死人个毒氣。

𠊎个兄弟姊妹啊，你等毋好恁多人做教師，因為知𠊎等做教師个一定會比別人受較嚴个審判。