Popular Bible Verses from 加拉太書 6

Share

𠊎等行善，毋好失志；若無灰心，時間一到，就會有收成。

所以，無論麼介時節，一有機會就愛為眾人行善，對該兜在信仰上同屬一家个人還較愛恁樣。

愛分擔重擔，恁樣就係遵行基督个命令。

你等毋好騙自家；無人能騙上帝。人種麼介，就會收麼介。

為到滿足自家个情慾來委種个，佢就會對情慾收成滅亡；為到愛得到聖靈个歡喜來委種个，佢就會對聖靈收成永遠个生命。

兄弟姊妹啊，若係有人一時做毋著事，你等屬靈个人就愛用溫和个方法來挽回佢。你等自家也愛細膩，驚怕也受誘惑。

自認有才調，事實上無半撇个人，佢係騙自家定定。 逐儕應該反省本身个行為；若係有好行為，佢做得為自家來感覺光榮，總係無需要同別人个成就比較。 因為逐儕愛㧡自家个擔頭。