Popular Bible Verses from 以西結書 37

Share

佢講：「愛向這兜骨骸講預言，㧯燥骨骸講，愛聽上主个話。 愛㧯佢等講，𠊎 — 至高个上主對佢等講：𠊎愛歕氣入你等底背，使你等返生。

𠊎愛使你等生筋又生肉，然後包一層皮。𠊎愛歕氣入你等底背，使你等返生。恁樣，你等就會知𠊎係上主。」

佢㧯𠊎講：「人子啊，這兜骨骸會返生麼？」 𠊎應講：「至高个上主啊，只有你正知！」

上主个大能臨到𠊎身上；佢个靈帶𠊎到山壢肚。該山壢肚滿遍係骨骸。 佢帶𠊎經過該兜骨骸當中，𠊎看到山壢肚堆滿盡燥个骨頭。

所以，𠊎照上主个命令講預言。𠊎講个時，𠊎聽到挺動个聲，看到骨頭㧯骨頭連結起來。 𠊎當看个時，骨頭開始生筋又生肉，然後包一層皮，總係身體還毋會透氣。