Popular Bible Verses from 出埃及記 15

Share

佢講：「若係你等完全順從𠊎 — 上主你等个上帝 — 做𠊎認為著个事，聽𠊎个命令，遵守𠊎一切个法律，𠊎就毋會用責罰 埃及 人个病痛來責罰你等；因為𠊎係醫治你等个上主。」

上主係𠊎个力量，𠊎个詩歌； 佢拯救𠊎。 佢係𠊎个上帝，𠊎愛頌讚佢； 佢係吾爸个上帝，𠊎愛讚美佢。

上主啊！恁多神明當中，㖠有像你个？ 㖠有像你恁神聖恁有威嚴个？ 㖠有像你恁得人驚恁有光榮个？ 㖠有像你恁會行神蹟奇事个？

你用不變个慈愛𢱋你所拯救个子民； 你用大能帶佢等到你个聖所。

佢等來到 瑪拉 ；該位个水係苦个，食毋得。 (因為恁樣，該地方正安到 瑪拉 。) 人民埋怨 摩西 ，問佢講：「𠊎等愛啉麼介呢？」 摩西 迫切在上主面前祈求；上主指給佢看一隻樹頭。佢將樹頭㧹入水底背，水就變做甘甜个水。 上主在該地方為佢等定法律，又在該位考驗佢等。