Popular Bible Verses from 彼得後書 2

Share

主知愛樣般拯救敬虔个人脫離試煉，也知愛樣般將壞人拘留起來，特別係該兜放縱肉體个情慾、藐視上帝主權个人，好在審判該日刑罰佢等。 這班假教師大膽、自傲，毋單淨毋尊敬該兜在天頂有榮光个，反轉侮辱佢等；

佢等知有正義个道路，還敢對佢等所承受該神聖个命令離開；這種人莫知有正義个道路還較贏。 俗語講盡著：「狗仔回頭食牠所嘔出來个」；抑係「豬仔洗淨，又搵湳泥」。佢等个情形就像恁樣。

佢等答應愛給人自由，自家反轉做腐敗生活个奴才；因為人被麼介制伏，就係麼介个奴才。

若係人通過認識𠊎等个主 — 救主耶穌基督，脫離這世界腐敗个各種勢力，以後又被它兜捉去，被它兜制伏，這種人个結局就比先前還較慘。

頭擺有假先知在 以色列 民間出現；共樣，也會有假教師在你等中間出現。佢等會暗中帶入毀滅性个異端，甚至毋承認救贖佢等个主宰，盡遽就自取滅亡。