Popular Bible Verses from 哥林多前書 15

Share

所以，親愛个兄弟姊妹啊，你等愛企在，毋好搖動。愛常常認真做主个工作；因為知，你等為主所做个工作一定毋會空空。

總係，感謝上帝！佢使𠊎等通過𠊎等个主耶穌基督得到勝利了！

毋好被人騙去；愛記得：「壞朋友會敗壞好德行！」

總係，𠊎成做今晡日个𠊎，係照上帝个恩典。佢賜給𠊎个恩典無落空；反轉，𠊎比其他个使徒還較辛苦工作；其實，毋係𠊎，係上帝个恩典同𠊎共下工作。

死啊！你个勝利在㖠位？ 死啊！你个毒竻在㖠位？ 死个毒竻係對罪來个，罪个權勢係對法律來个。

你等愛注意聽這件奧妙个事：𠊎等並毋係全部會死；在一下仔，一𥍉目之間，最後一擺號筒響个時節，𠊎等全部會改變。最後一擺號筒一響，死人會復活成做毋會朽爛个，𠊎等還生个人也會改變。

既然死係對一個人來，死人个復活也係對一個人來。 共樣，眾人个死係因為佢等同 亞當 結連，眾人个復活係因為佢等同基督結連。

因為會腐爛个愛變做毋會朽爛个，會死个愛變做毋會死个。

因為基督的確愛掌權，直到上帝贏過一切仇敵，使佢等降服在佢个腳下。 最尾受毀滅个仇敵就係死。