Popular Bible Verses from Ruma 16

Share

Ku wabaai ku sulivatane ka Twaumase lri kabebetethe suburu ki Satange, ku lrika akasalelebeane ikai tailebe ki drapale numi. Ku Tamatamata ka Yesu ani baai numiane ku migemi!

Laretesane, lri pakipapawlringavaku numiane, dradrela telenge kudra la lri pawvagavagai, si velevele ku salrwane ku kidremedreme ki umawmase, la kidaila kudra wacilringa ki kibulrunga numi ku umawmase.

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

Ku lrigu ani papia ki Twaumase! Lri dulru singikai kai pelaelaelali kai hukuingi si pakakecenge ki salrwane ki kidremedreme numi. Kikai hukuingi yai patharukai ki Yesu Kirisitu ka matiakiragai, pathingale ku twalai kunadruma ka kaika athingalane ka matiasamaimali. Kikai kaika athingalane ka matiasamaimali yakainga ki hungu ki layuginsia athingalane, si singikai ku drekase ki palralrawthu panianiake ka Twaumase pelaela ki sanaka kuni, ku lrika akasalrwane si pasalaladha ki sanaka umawmase. Ku lrigu ani ngukai ki Yesu Kirisitu si papia ki vaeva ka wathingale ki sanaka maneemane ka Twaumase, pakeela apalralrawlrawthane! Amingi.