Popular Bible Verses from Ruma 12

Share

Madha kimalramalra si singikaikai ki kawmasane, ani ka Twaumase ku pakiatulrepenge pakabalrithi ki takidremedremane numi, lri thingale numi ku takidremedremane ki Twaumase, si thingale ka manemane ku ulecegane, ku kiatulrepenge, kamani ku kiragaini.

Lakamani, laretesane, kudra paiyanga kikai kakalithi mitane ku Twaumase, lri pasapukwanaku numiane, malra papanianianiake ku kinawmasanesu si patarumara ki Twaumase, la savaeva ku kidremedreme pasikai iniane, si kikiragai iniane. Ala amani kikai ku apiane numi patarumara ka patengatengane ka sasukubane.

Ikai ki sasiadradrama kirararagadha, ikai ki sapapacai la kiadili, kakalitha si kai kaelaela ku ainulriane.

Lakamani, madha kipamalebelebe ki ngialisiane, arakaiya ku tharirane si pamalebe ki ngialisiane.

Tungimiyaiya ki betakane makilibalibake; pakaelrea ku kidremedreme mawsakesakene.

Lu kilibakane ki umawmase twakapatengatengane madu. Kalrasa si cilri ki ngialisiane, la paluludu ku ulecegane.

Pakaelrea ku pukusu kikadalru si kielre ki laumawmase.

Laretesane, madha ngipapasikaikai bilri ki badhasu, maesaesai kamani ku elathane ki Twaumase lu putaluvaivai ku kivuthasu, asi lwiyane amia kai ku Sisiu, “Amia kai ku Tamatama: Ku pwataluvaivai ku vinuthane yakai nakwane, lri tara pangibiilriaku.”

Madha kasalrai, kisamula kaungu, si arakai ku culwane ku kidremedreme pasikai kaungu ki Tamatama.

Singikai ku baai ki Twaumase nakwane ku migemi, lri kawrivaku numiane: Madha ngidradrele si ngitatu abelenge turamuru, ngitatwalebea si ngikakamani pangimia, si makitu singikai ku baai ki Twaumase ku salrwane si ngilalekete.

Madha arakaikai ku ngialisiane pangibilri ki ngialisiane; mathariri kai sanaka niyane ka awngane, marabere madu katwase kaungu.

Adravane ka ngitwatumane ka umawmase, twathadaalrane madu kakalithi. Madha ngikalrilrilrigu, waguruthungane madu kamani si ngitatu alebe; la madha ngitatu malrigili.

Kai Sisiu la iya kai, “Ku badhasu alaiyasi kasilrau, wapakane madu iniane, lu kakadhame, la paungulu madu iniane; lu piasu kwini lri pasidrwadrwa ku akainwaneini.”

Swabulrubulru madu ku wahakegai muswane ku umawmase; unu, swabulrubulru madu, madha pusupusu. Twapapalra madu kiraragai ku kiaragaragai ku umawmase, la tupapalra madu tubi ku watubitubi ku umawmase.

Pakisupilra ku lamanemanesu patuelre ki lamatiakukuru ka retesane; tarwamara madu pasudalru ki singibadhabadhane ku umawmase.

Ku vaeva ku kinawmasane ngiadarepe twalai ki makaalra ka rarukurukudru ka kinawmasane, sanaka rarukurukudru ka kinawmasane ikai ku makaelaela ku paluludaneini. Laka thadaalrane, adravane ka takaalrata, ikaita adringi ki Kirisitu avaeva ka kinawmasane, ka marairaisi, ikai ki kinawmasane makaelaela ku tangimiane.