Popular Bible Verses from Ruma 10

Share

Alaiyasi kwi ngudwisu la pelaela ka Tamatama ku Yesu, si kasalru ku kidremedreme ala ka pasiaelane iniane patwalai ki wapacai ku Twaumase, lri dulrusu kipalribulu.

Amani sakasalru kai kidremedremeta, ala kitumadringelreseta ka umawmase, amia kai pelaela ku ngudui, ala kipalribulu.

Lu drelane kai salrwane twalai ki kialalra kainganai, kai kialalra laka twalai ki vaga ki Kirisitu.

Kai Sisiu amia kai, “Ku masalru iniane kai lri kasalivalrau.” Kikai vaga kai ku taiyane amanimani ki sanaka umawmase, asi lwiyane kadrwa ku taapakakaelane ki swa Yuda si sakamaelanane ka umawmase; ku Twaumase Tamatama ki sanaka umawmase, lri pakakaalra subulrubulru baai ki sanaka kiatubi iniane ka umawmase. Mararaamau ku taiyane kai ki Sisiu, “Sanaka kiatubi ku nagane ki Tamatama ku umawmase lri tara kipalribulu.”

Lu kai kisikawlu, ara maka dulru patululu pelaela? Mararaamau ku taiyane kai ki Sisiu, “Ku tarapelaelaela ku vaga ki Twaumase, ku tapudrapalane lini matharirilriinga!”

Ai, kwini lalasu kai masalru, ara maka dulru kitubi iniane? Lu kai kilalra, ara maka dulru kasalru? Lu kai patululu pelaela, ara maka dulru kilalra?

Ku patengatengane, ku Kirisitu paliakainga ku naika apangimiane ki hulrice, kudra akitumadringelresane makanaelre sanaka masalru iniane ka umawmase.