Popular Bible Verses from Taasipane 20

Share

Ai, ku TAMATAMA la kaelaela ki Musi si Arungu, iya kai, “Asi lwiyane kadrwa ku salrwane numi icucubungu ki swa Iseraylri pathingale ku saniange ku pukuli, kunumi kai numi lri maka sangiluku liniane mudaane kwini ki puvagali ka abadhane numiane ka kadaengane.”

“Malra kwini yacucubungu ki Langiane ku ukudru. Kusu si Arungu sarubwa ki mapapangale, icucubungu liniane si papia ki alrisapesape kawriva, ku acilai lri twalai ki alrisapesape ngibwale berai si mwalwaludru. Lu mia kikai, lri dulrusu paungulu ki mapapangale si la nilapulapwane kwini twalai ki alrisapesape mwaludru ka acilai.”

Ku Musi la ciliki ku ukudru, sititi ki alrisapesape sangu pusale, la kainganai ku tarwadrau ku acilai. Ku mapapangale si la nilapulapwane la makitu ungulunga.

Ku Musi si Arungu la sarubu ki mapapangale mucucubungu ki alrisapesape. Ku Musi la kawriva, “Kunumi ka lawabaebalre kilalra! Lri kawriva nai ki alrisapesape pamwaludru ku acilai si paungulu numiane?”