Popular Bible Verses from Taasipane 14

Share

Kunumi madha baebaebalre ki TAMATAMA, madha mukulukuludru ki umawmase ki swakai kavai. Lri pakadwaita pamalebe liniane. Ku TAMATAMA watapalra mitane; pamalebenga kwini ki palakebe liniane ka latwaumase lini. Lakamani kunumi madha mukuludru!”

‘Amaniaku ka TAMATAMA; kainaku ka maduai kaelaela. Swaete nakwane ku thalradhane; pacepaku ki pasalrivane si pasalriu. Ai, kainaku lri tukakadrwa ku pasalrivane ki yakai ku pasalrivane, lri tara ngwaladhaku ki pasalrivane ki marudrawdrange si pathavungu ki lagagane lini, pakela ki sakatulru sakasupate ki zidai ki lagagane.’

Lwiyasi ku TAMATAMA la kadalame mitane, lri iluku mitane mwa kavai, si baai mitane kavai mwalwalwaludru ku mireke si valu ka kadaengane.

Ai ka sasiakawluli ka Kalebe makaela liniane; tatukucingalrane nakwane ka kidremedremeini, lakamani, lri sangilukaku iniane mwa kwini ki tamwaneini lrilriu ka kadaengane; ku mwabaibalrithi iniane lrika linianenga kwini kadaengane

Lu mwa pelaela liniane, ‘Lri papiaku ki takapalralrawthane ka niakeli kiketekete: Lri pangimiaku ku takitubiane numi marasikai numiane. Kunaku TAMATAMAku; amiaku kikai pelaela.

Ku TAMATAMA kawariva ki Musi, “Kikai laumawmase lu piakai kalrase nakwane lri tara thainwana? Kai lalasu lu mia kai, kai sudralru nakwane lalri tarathainwana? Adravane ikaiyaku liniane pia ku pinangu Twaumasane ka puku, laka sakamiana kai kasalru nakwane.

Kwini lalasu malisilisi ki Musi si Arungu iya kai, “Maesaesai pacai nai ikai Izipiti ikai calragulragu!

ku lalake ki Nunge ka Yesua si lalake ki Yepuni ka Kalebe kikai tadrusa ka asepai la kwalri ku kidremedreme si thuriace ku laimai lini, la kawriva ki mapapangale, “Kwini lrilriu nai ka kadaengane saniange ka mathariri turamuru ka kadaengane.

Ai, lri papiaku ki takapalralrawthane ka niakeli kiketekete; mia ki draredrareli suete ikai kai ki kadaengane ka tengatengane. Kikai laumawmase lri tara kakadrwa ku natangeanga kulri maka panianianiake si mudaane kavai ki kadaengane. Kwini lalasu nawadrelenga ku draredrareli, la drelenga ku takaunganeli ku pinangu Twaumasane ka puku ikai Izipiti si calragulragu, ai laka sakamiiana apapelaelaela kituthiathingale nakwane, kai kilalra nakwane. Kai lalasu lu tumane kai lri maka mudaane kwini pukawnungali baai ki cucungulane lini ka kadaengane. Kwidra malrase nakwane ku umawmase, kadrwa ku natangeanga kulri maka mudaane kavai ki kadaengane.