Popular Bible Verses from Maruku 2

Share

Ku Yesu sakilalra, la kawriva iya kai, “Ku mwadringadringai ku umawmase kai lri murikai ki tarasulrasulrau, luka yakaai ku caemane ku umawmase lri murikaai. Ku takelaneli ku pacugane kainaku pakai ku adawlane ki makalecege ka umawmase, pakai ku adawlane ki manganga ka umawmase.”

La drele ku Yesu kudra salrwane kwini ki lalasu, la iya kai kwini ki macaeme, “Lalake, kwi pasalrivanesu kiapacepenga.”

La iyana kai ku Yesu, “Kai Taisadrasadrane ka vai nipasikaiyane ki umawmase pikai cegecege; kai umawmase kaika pasiakai ki Taisadrasadrane ka vai kitulalake.

Amani sa takalra turamuru ku umawmase, kwini lalasu la kai maka dulru mabulribulri iniane pucucubungu ki Yesu. Lakamani ku pangukai cavalri ki taibelenge ki Yesu mwalibi, ala malra kwini ki macaeme, si paelre kwini babulriane surusuru pulebe iniane.

Lri padrelaku numiane ala ka yakai ku puku pacepe ki pasalrivane ku Lalake ki Umawmase ikai kawmasane.” Sa iya kwini la iya kai kwini ki macaeme kalrunai, “Lri kawrivaku muswane, ngidrakala, si la malra kikai sakibulrianesu, la katwasa mutavanane!”

Saininu ku madwadwai lu kawrivane kwini ki macaeme pelaela, ‘Kiapacepenga kwi pasalrivanesu’ si ku ‘Ngidrakala, la malra kwi sapasu si dadavace’ iya?

Kwini lasu la ngidrakale, si yasasane malra kwini babulriane, sa dredredrele makanaelre la katwase mulatadre. La kasamali makanaelre, si makitu drengedrengere ki Twaumase iya kai, “Kaita wadreleana ku miyaiya kai!”