Popular Bible Verses from Matai 16

Share

Lakamani, ku Yesu la iya kai ki lasitu, “Alaiyasi ikai ku nau tupapalra amia nakwane, lri ngicacilri si angeale ku ziwzikaini la kainganai tupapalra nakwane.

Nau pelaela muswane, sia Pitirusu, ka alrisapesape; ikai kai ki alrisapesape belenge, lri cegecegaku ku kiwkaili, adravane ka puku ki apacadhane lri kai maka sabelenge iniane.

Lri baadhaku muswane ku sukusuku ki kuni subelebelenge, ku pakaicilrisu ikai kawmasane, ikai subelebelenge lri mialri pakaicilri; ku palraingisu ikai kawmasane, ikai subelebelenge lri mialri palraingi.”

Asi lwiyane kudra kiasanu ngipapalribulu ku niake, lri ngicacilri ku niake; kudra pasiakai nakwane si cilri ku niakeini, lri tarumaaralringa ku niake.

Ku tangea ku umawmase adravane malra kai kawmasane, lalri tusabalrithane ku niakeini, manemane ku amuesadhane?

Ku Yesu kiavaga liniane iya kai, “Laka aneane amia numi nakwane?” Ku Simune Pitiru la tubalre iya kai, “Kirisitusu, ka Lalake ki palralrawthu panianiake ka Twaumase.”

Ku Yesu la iya kai, “Lalake ki Yuhani ka Simune, patengatenganesu ka yakai ku amuesadhane; asi lwiyane kikai patengane ka sabulrwane, kaika umawmase ka wabulru muswane, amani kai Ama ka yasubelebelenge ka peaelaela muswane.