Popular Bible Verses from Lrivi 26

Share

Lri tapalraku numiane, a Twaumase numiane; lri amapapangale numi nakwane.

lri singikaiyaku ku kalamanemanane si pawdale baai numiane, lani cebe ku lataleke kwini kadaengane numi, si pumadru ku laivai.

“Alaiyasi paluludu numi ku hulriceli, si paluludu ku padradrekaseli

“Lri pakasulivataku ki cekele numi, lri kasipelrenge numi pudriadringai ka kadrwa ku thekelrane. Lri mwalraku kwini yakai ki cekele numi ku la sapapacai ka waudriwdripi; lrika kadrwanga ku makaruruburu ikai ki cekele.

Lri subulrubulrwaku numiane, lani takalra ku lagagane numi. Lri pasuswaku kwini kiketeketeli numiane.

Kunaku TAMATAMAku ka Twaumase numi. Nawasangilukaku numiane mulatadre Izipiti, la kai numi aduringa. Watithiraku kwini puku ki wadredrepete numiane, la dulru numi tangerarane dringelresane katwase dadavace.”

Lri ikaiyaku ki Alrivilrivi ka balrawbau numiane, si lutuumane kai cilri kidaili numiane.

Ku TAMATAMA amia kai, “Kunumi madha daredarepe tusamiamiange; kunumi madha cegecegecege ku nituumawmasane, sadrengedrenge, ku nipapacasane ku lrenege tuasukubane. TAMATAMAku ka Twaumase numi.

Lri ikai ku thathatha ku taleke numi, si tara caili kai kaurame, pakela ku wacilri kwini nauladhane si sekete kwini siasanane ku taleke.

Lu talrima numi lri pamalebe numi ki taidai ku umawmase, lu taidai lri pamalebe ki takudrai; lri makitu tubakebake pacai ikai ki dramu numi.

Kunumi kai lri karetege ku akitalekane numi ku lataleke, pakela luka kalalremane ki budu; kunumi kai lri karetege ku akibuduane numi, pakela ki kalasabulane. Kunumi lri makakelrete ku akaneane, si lri ikai numi ki kadaengane numi sutelrai si ngiesaesaesai.

Lri sabelenge numi ki badha.

Kunumi pasuswa ki Taisadrasadrane ka vai, musakene ki Alrivilrivi ka taikaikaiyane. TAMATAMAku.