Popular Bible Verses from Takatwasane Izipiti 11

Share

Ku TAMATAMA la iya kai ki Musi, “Lri pulebeaku ku bibiilrilinga ku sapakwalriane ki talialalai ki swa Izipiti si mapapangaleini. Kikai, lri tara pakatwase numiane. Ku tengatengane, kwi lasu lri tara pakatwase numiane kikai ki kadaengane.

Ku takatakanga ka sawvalai ki swa Izipiti, twalai kwini ki lri mucungulu atalialalai ka lalake ki talialalai pakela ki sawvalai ka lalake ka tulalake kwidra ki lakawkawlu ka tarasilribulribu, lri makitu pacai. Kudra la aswalaalanga kitulalake ka lanilapulapwane lri makitu pacai. Palraelre ki swa Izipiti lri ikai ku wakaralealeale tubitubi; kikai tangimiamiane yai kadrwana ku ngimiyaiya kunadruma, lukabibilrili mialri kakadrua.

Ku TAMATAMA nakawariva ki Musi, “Ku talialalai ki swa Izipiti lri pacungulu kai tarumara ku vagasu, lukamiyaiya kikai, ala lri dulrwaku ikai ki Izipiti pia ku makakalra ku pinangu Twaumasane ka puku.”