Popular Bible Verses from Daniele 2

Share

Ku nagane ki Twaumase ani kidrengedrengere, kai kamwamudu palralrawthu! Asi lwiyane wathingale si dulru sanaka manemanenga. Ku Twaumase pakabaalrithi ki zikange, ki kalamanemanane; ku Twaumase waamudu ki talialalai, wacegecege ki talialalai; patarwamara ku lrigilane ki malrigili ka umawmase, patarwamara ku thingalane ki ngiathingale ka umawmase, Ku Twaumase peaelaela ku matiasamali; kwi lasu wathingale ku nitakadradridrimitanane; ku ledra taikaiyane tapalra iniane.

Ku Daniele la tubalre, “Talialalai, sanaka taratulrisilrisi, taraivigi, tarakithingale, ku tarakithingale arakai ku tariau kai wadulru makanaelre papia muswane swacenge kikai; ai, ikai subelebelenge yakai ku tangea ka Twaumase ku padrele ku kaika athingalane ka matiasamaimali, ku Twaumase peaelaelaanga ki talialalai ku lrika angimiane lukabibilrili. Kaiasasane kwi sipi ki talialalai, ka amani kudra sa apecesu ka talialalai si drele ku maburusi lri lalrwadhaku ki talialalai.

Kudra warathudu lu icengecengeana itaetalane, ku Twaumase ka yabelenge lri cegecege ku vaeva ku kadrwa ku alikaiyane ka kuni. Kikai kuni kai lri kipamalebe lutumane, lri amudulringa kamani ki sanaka kuni lai lrika palralrawthunga ikai.