Popular Bible Verses from Romai 8

Share

Ku kayuku nyic ke kaŋ kedhia ci jal ya diik enɔŋ kɔc ye Nhialic nhiar, agut kɔc cike cɔɔl ne piɔnde.

Aya cok nyic ke thou, ka piir, ka malaikai, ka bany, ka ka ke yemane, kene ka bi bɛn, ka riir, ka bɛɛr, ka thuɔɔth, ka toŋ dɛ de ka cike cak, aace wɔ bi ya leu ne wɛk ne nhiɛr de Nhialicic, nhiɛr ye tɔ ne Yecu Kritho Bɛnydiitdaic.

Yenekee cɔɔk ye Jɔŋdit wɔ kony ne nioopda: wɔ ye lɔŋ ete yuku dhiil kuc; a kee Jɔŋdit ne guɔpde yenekee lɔŋ ne wɔɔk ne keŋ ce leu ne luɛl

Buk keekake jal ya dhuk wuude? Na ye Nhialic ye tɔ ke wɔɔk, ke yeŋa bi rɔt ya jɔt wɔɔk?

Yen emane ee ciɛn lukwei enɔŋ keek kek kɔc ye tɔ ne Yecu Krithoic, kɔc cie cath ne ke de guɔp, ye ya ke de Jɔŋdit.

Tɛŋ de ke de guɔp ee ya thuɔu; ku tɛŋ de ke de wei ee ya piir ku dɔɔr

Ee yic, wɔ ye kɔc ye tiam wuɔr ne keekake kedhia ne yen yen man ye wɔ nhiar.

Aya tak ke ka yukuke guum emane ye yic ciɛn ke dɛ te thooŋe ke kene nuɔm bi nyuɔɔth ne wɔyic.

Yeŋa bi wɔ ya week ne nhiɛr de Krithoic? ye ka ye wɔ dhal, ka ye muɔn de wei, ka ye ŋet, ka ye pawɛɛr, ka ye tat, ka ye rɔɔr, ka ye theep?

ku yen man ye piɔth kɔɔr yic yeneka nyic tɛŋ de Jɔŋdit, ne ke yen lɔŋ ne kɔc cithiei ci man de piɔn de Nhialic.

Kɔc kedhia, kɔc ye Jɔŋdiit de Nhialic ke ɣɔm, aaye ya wɛɛt ke Nhialic.

Kɔc ye cath ne ke de guɔp, aaye tak ne ka ke guɔp: ku kɔc ye cath ne ke de tiɛp aaye ka ke tiɛp loi.

Nhialic man ken Wende peen, gɛm ne wɔɔk wɔdhia, cii wɔ bi ya miɔc ne kaŋ kedhia kene yen?

Jɔŋdit mane ee wɔ yɔɔk ke tipkuɔ yi yeku mith ke Nhialic. Ku na yuku mithke, ke wɔ bi ya ya adiit, adiit ke Nhialic, ku yuku mat wɔne Kritho yuku adiit; na yuku mat wɔne yen ne guɔmde, ke wɔ bi bɛr ya mat eya ne nuɔmde.

ne ke ye tɛŋ de ke de guɔp yen naŋ ater ke Nhialic; ne ke cen ye tɔ ne riɛr de loŋ de Nhialic, ku kace tɔ bi kan ya leu

Ka ci cak aaye daai, aa ŋueny ne nyooth bene wɛɛt ke Nhialic nyuɔɔth.

Ayeku nyic ke ka cike cak kedhia ye keŋ ne tɔɔk de rɔp agut ci yemane.