Popular Bible Verses from MATTHEW 7

Share

“Mite, ka angān re kambat; jiroh, ka angān re dapŭd; gutog, ka tiban re tikuka yŭn ngan.

Amai barang naan daya adi mite re kambat, ka tadŭ tadŭ daya adi jiroh re dapŭd, ka tiban re tikuka yŭn daya adi gutog.

“Jadi meh, barang naan daya adi dingah pinganang Ku ati ka tunda-i agi keya ka daya adi bijak adi pijog ramin-i di tunduh batuh.

“Ndai yŭn daya kayuh adi angān raan daya ndai yŭn ngan: ati inŭh rati Ukum-adat Moses ka sopŭrŭg ajar bara nabi.

Pak tiban nuju udip adi sawŭ adi tan adu adu agi sapit ka aran adi di kamanŭ agi mbar, ka daya dŭh bagŭ dapŭd-i.

“Mŭrŭt so tiban adi sapit, sabab tiban neraka agi bayah ka aran adi di kamanŭ agi sanang, ka mbŭh bagŭ daya kadŭg-i.

Angān adi arap, angān puan adŭp ngan nggen kayuh kana di anak ngan. Ka rabis-i Sama ngan adi di shorga, an nggen kayuh kana di ngara adi mite so Ayŭh!

“Dŭhnyah nyarah daya, isa Tapa dŭh nyarah angān, amai Tapa re nyarah angān nanyam ka gaya angān nyarah daya, ka Ayŭh re pakai di angān atur adi angān pakai di daya.

“Pak barang naan daya adi dingah pinganang Ku ati ka dŭh tunda-i agi keya ka daya adi budo adi pijog ramin-i di tunduh sumat.

Mani meh angān truti taŭn adi di batŭh dingan ngan ka dŭh rada apŭg kayuh di batŭh adŭp ngan? Simuki angān bisa nang di dingan ngan, ‘Bah, bada aku kadi taŭn so batŭh mu,’ darŭm adŭp ngan biyŭn apŭg kayuh di batŭh adŭp ngan?

“Jaga adŭp ngan so bara nabi kadong; ngara mandŭg ka angān mun biri tura ka sapa, pak tura ka darŭm ngara mbŭh keya ka kasong tarun. Angān puan ngara so kayuh adi ngara ndai. Tŭngŭn reja dŭh buān buwa anggor, ka bakos dŭh buān buwa ara.

Tŭngŭn kayuh adi kana buān buwa adi kana, pak tŭngŭn kayuh adi arap buān buwa adi arap.

Tŭngŭn kayuh adi kana dŭh bisa buān buwa adi arap, ka tŭngŭn kayuh adi arap dŭh bisa buān buwa adi kana.

Ka tadŭ tadŭ tŭngŭn kayuh adi dŭh buān buwa adi kana dog tabŭng ka dog taran ka darŭm apui.