Popular Bible Verses from MATTHEW 15

Share

Pak kayuh adi ruah so baba daya mandŭg so atin-i, ka kayuh ati inŭh adi kinais daya. Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya.

Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”

‘Bara daya ati, Tapa nang, kibās Aku ngga baba-i, pak atin-i sawŭ jo so Aku. Mating guna ngara nyambah Aku, sabab ngara ngajar atur manusia bada-i mun ukum ukum-adat Ku!’ ”

Jadi Jesus nam ayŭh, “Kuu dayung adi raru sabah di Aku! Kayuh adi kuu raan re dog ndai yŭn mu.” Ka di jam anŭ gŭh anak dayung-i bua.

Dingah sakanŭ, dayung anŭ nyindŭk Jesus ka sidikang di kaja-I. “Turung aku, Tuan!” ayŭh nang. Jesus nam, “Dŭh-i patut nŭŭh tambit pinguman anak-sŭ ka taran-i ka kasong.” “Anŭ sawŭ, Tuan,” dayung anŭ nam, “pak kasong man gŭh rapuh tadŭh pinguman adi rabu so mija tuan-i.”