Popular Bible Verses from EKLISIASTIS 5

Share

Bipikir diŭ so kuu minyu, ka dŭhnyah nyimau ndai janji ngga Tapa. Ayŭh di shorga ka kuu di ong, ka dŭhnyah nang rabis so adi mbŭh kuu nang.

Kambŭi Tapa nggen di daya pinyikaya ngga buat-rata ka bada ayŭh gaŭn biyŭn-i, daya anŭ patut nggen trima kaseh ka pimunos adŭp-i ngga kayuh adi-i dapŭd so turang udas adŭp-i. Anŭ inŭh pinganggen so Tapa.

Kambŭi kuu gira duit, kuu dŭh re puas; kambŭi kuu gruwŭn an kaya, kuu dŭh re dapŭd sopŭrŭg anŭ adi kuu raan. Sopŭrŭg anŭ dŭh biyŭn rati.

Kuu an nakit darŭm kuu di ka Ramin TUHAN. Kana dŭ nŭŭh di kamanŭ di birajar so nŭŭh jugan sadis mun ngara adi budo, adi dŭh puan kayuh adi batur ngga adi sarah.

Jadi kan kuu ndai janji ngga Tapa, dŭhnyah sais pijadi kayuh adi kuu mbŭh bijanji an ndai. Ayŭh dŭh biguna di daya adi budo. Ndai anŭ adi kuu mbŭh bijanji an ndai.

Kana dŭ dŭhsah ndai janji so nŭŭh ndai janji ka dŭh tungang sita-i.

Daya adi nyiraja, bait-i biyŭn sukup pinguman bait dŭh, ayŭh dapŭd bŭŭs singarŭm. Daya kaya, amai biyŭn raru bagŭ, ngara dŭh bŭŭs sabab gapang.

Ata bu so ong ati mun ata mandŭg ka ong ati, dŭh taban ani ani. Sunggu ata bandar nyiraja mating kayuh re ata taban ngga bu.