Popular Bible Verses from Romaned 8

Share

Hogen, gouzoud a reomp ive penaos pep tra a dro da vad gant ar re a gar Doue, gant ar re a zo galvet hervez he volontez.

Rag assur oun penaos, nag ar maro, nag ar vuez, nag an elez, nag ar brinselezou, nag ar puissansou, nag an traou avreman, nag an traou da zond, nag an huelder, nag an dounder, na crouadur all e‐bed, na hello dispartia ac’hanomp euz a garantez Doue, diskouezet en Jesus‐Christ hon Aotrou.

Hag ouz‐pen‐ze ive ar Spered a zicour ac’hanomp en hor sempladureziou; rag na ouzomp ket petra a dleomp da c’houlen evit pidi evel ma’z eo dleet; mes ar Spered he‐unan a zeu da intercedi evidomp dre huanadou ha na heller ket ho rei da gompren.

Petra a livirimp‐ni eta var gement‐man? Mar ema Doue evidomp, piou a vezo a‐enep deomp?

N’euz ket eta breman a gondaonation evit ar re pere a zo en Jesus‐Christ, hag a vale, nann hervez ar c’hig, mes hervez ar spered

Rag ar garantez euz ar c’hig eo ar maro; mes ar garantez euz ar Spered eo ar vuez hag ar peoc’h

Er c’hontrol, en holl draou‐ze e c’hounezomp ar victoar ha muioc’h c’hoas, dre an hini hen deuz karet ac’hanomp.

Rag me a gav d’in penaos souffransou an amzer prezantman n’int netra e‐kichen ar gloar da zond, a dle beza diskouezet enomp‐ni.

Piou a zispartio ac’hanomp euz a garantez ar C’hrist? Pe an affliction, pe an enkrez, pe ar bersecution, pe an naoun, pe an noazder, pe an danger, pe ar c’hleze?

Koulskoude an hini a vel bete fons ar c’halonou, a oar petra eo karantez ar Spered, pehini a bed hervez Doue evit ar zent.

Rag ar re holl a zo cunduet gant Spered Doue, a zo bugale da Zoue.

Rag ar re a vev hervez ar c’hig, a laka ho c’harantez en traou ar c’hig; mes a re a vev hervez ar Spered, a gar an traou euz ar Spered.

Hen, pehini n’hen deuz ket espernet he Vab he‐unan, mes hen deuz livret anezhan evidomp‐ni holl, penaos na roi‐hen ket ive deomp pep tra assambles ganthan?

Rag ar Spered he‐unan a rent testeni d’hor spered‐ni, penaos ez omp bugale da Zoue. Ha mar d’omp bugale, ez omp ive heritourien; heritourien da Zoue, ha kenheritourien gant ar C’hrist; gant ma teuimp da c’houzanv koulskoude assambles ganthan, evit ma vezimp ive glorifiet assambles ganthan.

rag ar garantez euz ar c’hig a zo kassoni ouz Doue; rag ne bleg ket da lezen Doue; hag evit‐gwir na hell ket hen ober.

Rag an holl grouadurien a zo o c’hortoz, gant eun hast braz, ma vezo diskouezet bugale Doue

Rag ni a oar penaos, bete vreman, an holl grouadurien a zo oc’h huanadi assambles, hag a zo assambles en poan ar goentrou