Popular Bible Verses from Romaned 14

Share

Rag rouantelez Doue n’ema ket en dibri nag en eva, mes er justis, er peoc’h, hag er joa dre ar Spered‐Santel. An neb a zervich ar C’hrist en doareze, a blij da Zoue, hag a vez kavet mad gant an dud.

Mar bevomp, evit an Aotrou eo e vevomp; ha mar marvomp, evit an Aotrou eo e varvomp; evel‐se ’ta, daoust pe beva, pe vervel a reomp, ez omp d’an Aotrou.

Klaskomp eta an traou a gas d’ar peoc’h, hag a hell hon edifia an eil hag egile.

N’en em varnomp mui eta an eil egile; mes barnit kentoc’h ne dleer rei nag occasion da bec’hi, na scandal e‐bed d’hor breur.

Rag scrivet eo: Evel ma’z oun beo, eme an Aotrou, pep glin a blego dirazoun, ha pep teod a rento gloar da Zoue. Evel‐se ’ta pep hini ac’hanomp a rento count da Zoue evithan he‐unan.

An hini a zo febl er feiz, digemerit anezhan gant madelez, heb disput var an opinionou.

Piou oud‐de, te pehini a gondaon servicher eun all? D’he vestr he‐unan eo barn anezhan, mar choum en he za, pe mar deu da gweza; mes choum a rai en he za, rag Doue a zo galloudus evit rei nerz dezhan.