Popular Bible Verses from S. Jakes 1

Share

Breudeur, kemerit evel eur sujet a joa vraz an tentationou a c’hoarvez ganeoc’h, o c’houzout penaos an amprouv euz ho feiz a zigas ar batianted.

Ha mar d’euz unan‐benag ac’hanoc’h hag a vank furnez dezhan, ra c’houlenno digant Doue, pehini a ro d’an holl gant largentez, direbech, hag e vezo roet dezhan.

Dre‐ze, va breudeur muia‐karet, ra vezo pep den pront da zelaou, gorrec da gomz, gorrec da vond en coler

Mes ra zeuio ar batianted da ziskouez eur galloud parfet, evit ma veot parfet hag accomplisset, o veza ne vanko netra deoc’h.

Lakit ar ger en pratic, ha n’en em gontantit ket d’hen selaou, oc’h en em drompla hoc’h‐unan gant rezoniou faoz.

Eürus an den a c’houzanv an dentation; rag pa vezo bet amprouvet, e recevo ar gurunen a vuez prometet gant an Aotrou d’ar re a gar anezhan.

Pep gras vad ha peb donezon barfet a zeu euz an env, hag a zisken digant Tad ar sclerijen, en pehini na vez chenchamant e‐bed nag an disterra apparans a chenchamant.

Rag mar d’euz unan‐benag hag a zelaou ar ger, ha n’ hen laka ket en pratic, ez eo henvel ouz eun den hag a zell ouz he vizach naturel en eur mellezour; ha pehini, goude beza sellet outhan he‐unan, a ia kuit, hag a ankounac’ha kerkent pe seurt den e oa.

Ar religion bur ha didarch dirag Doue hon Tad, eo bizita an orphelined hag an intanvezed en ho affliction, hag en em viret didarch euz a gorruption ar bed.

Diwallit na zeufe den da lavaret pa vez tentet: Doue eo a dent ac’hanoun; rag Doue na hell ket beza tentet gant an drouk, hag hen he‐unan na dent den e‐bed. Mes pep hini a vez tentet pa vez douget ha sklejet gant he wall‐c’hoant he‐unan.

Ra zeui ar breur a stad izel d’en em c’hlorifia, pa’z eo bet huelleet