Popular Bible Verses from Genes 9

Share

Ha Doue a lavaraz: Setu amau ar merk euz an alians a lakan etre me ha c’houi, ha kement a zo buez euhan rar an douar ganehoc’h, hag ho lignez da virviken: Lakaad a ran gwarec-ar-glao er goabrennou, hag e servicho da verk euz an alians etre me hag an douar.

Gwarec-ar-glao a vezo eta er goabrennou, ha me a zello outhan evit kaoud sonj euz an alians eternel etre Doue ha peb crouadur beo euz a gement wenn a zo var an douar.

Piou-benag a skuillo goad an den, a vezo skuillet ive he c’hoad d’ezhan gant an den; rag Doue hen deuz great an den diouc’h he imach.

Ha Doue a vennigaz Noe hag he vibien hag a lavaraz d’ezhe. Creskit ha savit stank ha ra vezo goloet an douar ac’hanoc’h

Kement tra a finv hag a zo buez euhan, a zervicho d’ehoc’h da vagadurez; an holl draou-man a roan d’ehoc’h, koulz hag ar yeot glaz.

an holl loened euz an douar, hag an holl lapoused euz an env a zoujo d’ehoc’h hag a greno dizazoc’h; ar re-man-holl gant kement tra a finv var an douar hag holl besked ar mor a zo lakeat etre ho taouarn.

C’houi eta, creskit ha savit stank; cargit an douar a dud, ha dalc’hit da greski mui-oc’h-mui.