Popular Bible Verses from Galated 6

Share

Na skuizomp ket eta oc’h ober ar mad, rag en amzer ma’z eo dleet, e kavimp da vedi, mar ne deuomp ket da skuiza.

Rag‐se, e‐keit ha ma hon euz an occasion, greomp vad d’an holl, mes dreist‐holl d’ar re a zo euz a famill ar feiz.

Dougit an eil beac’hiou egile, hag evel‐se likit en pratic lezen ar C’hrist.

Diwallit d’en em drompla; ne vez ket great goab ouz Doue; rag an den a zastumo ar pez hen devezo hadet.

An hini a had evit he gig he‐unan, a vedo euz ar c’hig ar vreinadurez; mes an hini a had evit ar Spered, a vedo euz ar Spered ar vuez eternel.

Breudeur, mar tigouez da eun den beza kavet en eur faot‐benag, c’houi pere a zo spirituel, divankit anezhan gant eur spered a zousder. Diwall ouzid da‐unan, gant aoun na vez ive tentet.

Rag, mar d’euz unan‐benag hag a zonj dezhan ez eo eun dra‐benag, pa n’ed eo netra, en em drompla a ra he‐unan. Mes ra zeui pep hini da amprouv he oberou he‐unan, ha neuze hen devezo leac’h d’en em veuli enhan he‐unan, ha nann ouz en em gompari gant ar re all; rag pep hini a zougo he veac’h he‐unan.