Popular Bible Verses from I. S. Per 4

Share

Dreist pep tra, bezet an eil evit egile eur garantez tener; rag ar garantez a c’holoio eun niver braz a bec’hejou.

Ra zeui pep hini, hervez m’hen deuz recevet, da implija he zonezon e servich ar re all, evel distribuerien vad a bep gras a Zoue.

Mar deu unan‐benag da gomz, ra gomzo hervez an oraclou a Zoue; mar hen deuz unan‐benag eur garg‐benag, ra zeui d’hen ober hervez ar galloud a ro Doue dezhan, evit ma vezo Doue glorifiet en pep tra dre Jesus‐Christ, da behini eo ar gloar hag ar galloud da viken! Amen.

Mes ma souffr evel christen, ne dle ket kaoud mêz, mes renta gloar da Zoue evit kement‐se.

A‐hend‐all, tostaad a ra ar fin euz an holl draou; dre‐ze bezit fur ha beillit er beden.

Breudeur muia‐karet, na vezit ket souezet m’az euz eur fournes a dan en ho touez, evit hoc’h amprouvi, evel ma c’hoarvezfe ganeoc’h eun dra estranj‐benag. Mes en em rejouissit, o veza ma hoc’h euz lod e souffransou ar C’hrist, evit ma viot ive karget a joa, pa vezo diskouezet he c’hloar.

Bezit ato prest d’en em zigemer an eil egile en ho tiez, heb en em glem.

Ra zeui eta ar re a c’houzanv dre volontez Doue, da erbedi dezhan ho eneou, evel da eur C’hrouer fidel, en eur ober ar mad.

Pa hen deuz eta ar C’hrist gouzanvet evidomp‐ni er c’hig, c’houi ive en em armit euz ar sonj‐man, penaos an hini hen deuz gouzanvet er c’hig, hen deuz paouezet da bec’hi; evit na vevo mui hervez dezirou fall an dud, mes hervez bolontez Doue, e‐pad an amzer m’hen deuz c’hoas da veva er c’hig.

Mar bezit outrajet abalamour da hano ar C’hrist, ez oc’h eürus; rag ar Spered a c’hloar, Spered Doue, a choum varnoc’h. Ar re‐ze a vlasphem anezhan, mes glorifiet eo ganeoc’h‐hu.