Popular Bible Verses from FEƝƝINANNDE 7

Share

Ɓawto ɗun mi ndaari, mi tawi e hino jamaa moolanaaɗo, mo hay gooto waawataa limude, mo leƴƴi ɗin fow, mo bolondaaji ɗin fow, mo jamaaji ɗin fow e mo haalaaji ɗin fow, no darii yeeso jullere laamu nden e yeeso Baalun kun. Hiɓe ɓornii conci daneeji, hiɓe jogii baape tugi ka juuɗe maɓɓe

hiɓe ewnoo ko tiiɗi, wi'a: «Kisiyee on ko e Alla men on iwri, on Jooɗiiɗo ka jullere laamu, e *Baalun kun!»

Ko fii Baalun wonkun kun ka tumbo jullere laamu ornay ɓe, ardoo ɓe ka ɓulli ndiyan ngurndan ɗan, awa kadi Alla fittay kala gonɗi wonɗi ka gite maɓɓe.»

Ko ɗun waɗi si: Hiɓe ka yeeso jullere laamu Alla, hiɓe rewa mo jemma e ɲalorma ka suudu makko. Jooɗiiɗo on ka jullere laamu ɗuwiray ɓe suudu mun ndun. Ɓe weeletaake hande kadi, ɓe ɗonɗetaake hande kadi, naange ngen hewtataa ɓe hande kadi, nguleendi woo kadi hewtataa ɓe.

«Wota on meemu leydi ndin e baharu on e leɗɗe ɗen, haa men waɗa maande ka tiiɗe kurkaaɗi Alla men on.» Awa kadi mi nani adadu maandinaaɓe ɓen. Ko ɓe guluuje teemedere e cappanɗe nayo e nayo e nder bolondaaji *Banii-Isra'iila'en ɓen fow