Popular Bible Verses from FEƝƝINANNDE 11

Share

Malaa'ikaajo njeeɗiɗaɓo on kadi wutti *liital mun ngal. Hawaaji tiiɗuɗi nanii ka kammu, no wi'a: «Laamateeri aduna on wontii e juuɗe Joomiraaɗo on e Toɗɗaaɗo makko on, ɗun ko *Almasiihu on, o laamoto haa poomaa.»

Hari leƴƴi ɗin seytinii, kono tikkere maa nden arii, wondude e saa'i ɲaawugol mayɓe ɓen, e yoɓugol kurkaaɗi maa ɗin, ɗun ko annabaaɓe ɓen, e laaɓuɓe ɓen e hulooɓe innde maa nden, gila e fanɗuɓe haa e njanɗuɓe, e mulugol mulooɓe leydi ndin ɓen.»

Mi newnanay seedeeɓe an ɓorniiɓe conci heynorɗi ɓen ɗiɗo, haalugol ko mi longini ɓe e nder balɗe wuluure e teemeɗɗe ɗiɗi e cappanɗe jeego.»

Ɓay balɗe tati e feccere ɗen feƴƴii, foofaango ngurndan iwrungo e Alla naati e ɗin fureeji, ɓe immii, ɓe darii, onsay kulol moolanaangol heɓi ɓen yi'unooɓe ɗun.

Hiɓe mari bawgal ombugol kammu ngun fii wota ndiyan aru e balɗe ɗe ɓe haalata ko Alla longini ɓe kon. Hiɓe mari kadi bawgal waylugol di'e ɗen ƴiiƴan, e libugol ka hoore leydi kala noone ɲabbeeli saa'i mo ɓe faalaa woo.

Ko ɓen woni leɗɗe *zaytuuni ɗen ɗiɗi e joɗɗinirɗe pitilli ɗen ɗiɗi wonɗe yeeso Joomiraaɗo leydi ndin. Si goɗɗo no faalaa ɓe waɗude ko boni, yiite yaltay ka kundule maɓɓe, ɲaama ayɓe maɓɓe ɓen. Ko nii kala faalaaɗo ɓe waɗude ko boni warirte.