Popular Bible Verses from YAHUUDIYANKEEƁE 1

Share

Ko on Ɓiɗɗo woni jalbeendi annoora Alla on, ko kanko woni mbaadi Alla ndin tigi. Ko on Ɓiɗɗo woni tambitiiɗo kala huunde rewrude e daaluyee makko dolnuɗo on. Nde o laatinnoo laɓɓingol yimɓe ɓen junuubaaji maɓɓe ɗin, o jooɗoyii ka sengo ɲaamo Alla Mawɗo on ka kammuuli

Nde wonnoo Alla yewtiriino maamiraaɓe men ɓen annabaaɓe ɓen laawi buy e nooneeji buy, Alla yewtirii en ka ɲalaaɗe sakkitore ɗoo Ɓiɗɗo on. O waɗi mo ronoowo e kala huunde, awa ko on o tagiri aduna on.

Hara ɓee malaa'ikaaɓe fow, hinaa ɓe ruuhuuji kurkotooɗi, nulaaɗi fii gollangol ronooɓe kisiyee ɓen?

E hoore ɗun o daali kadi: «Yaa an Joomiraaɗo, ko an wallini ndelo leydi ndin ka fuɗɗoode, awa kadi kammuuli ɗin ko juuɗe maa ɗen tagiraa. Ɗi lannay, kono an a luttay, ɗi fow ɗi nawyiray wa dolokke