Popular Bible Verses from ODIKI OTUO 11

Share

Nni nkpo sɛmaa, ninfɛ di Yaa tɔkyɛntɛ kuɛnsĩ le lafɛ dikyukyoo nɔɔ nɛ. Ni sɛɛlɔ kpinwu latoodie di osi osie kanya siatoobuɛ alɛ, “Kayi ka mmle sɛka ole ntookple Saate Yaa loo ku Kristo nɔɔ sele. Abale sɛka diesifi ni dinaa ni kaloo!”

Batii ba ninanle ni Yuda batii, ɔblɔ lafiɛ ma. Obe ntoowo alɛ faadiki ɔblɔ lɛfɔ kayi fantuo. Obe wɔ faakanko ni bakpi. Obe ntoowo kafɔɔ alɛ faata Yaa ɔlaa babuɛtɛtɛ lɛfɔ ba, ninle fɔ ni bakpɛmblatɛ ku batii lɛfɔ bamuu koto. Ku batii ba niɛtakatɛsa fɔ ni leyooto katoo, banɔɔfotii ku babisɔntii kyɛkyɛ. Obe ntoowo alɛ faawɔɔsa batii ba niɛwɔɔsa ni kayi ka mmle!”

Kamata kanya badikitɛ nii banyɔ osie manklee kaku asaa mambuɛ ɔlaa nii mantɛ ayi kakpe alafa anyɔ ayi afosi akuɔ.”

Di ayi atiɛ ku ɔfã nwu nkpo sɛmaa, ninwuna le ninta ni otii nkpa lakye Yaa nfũ diabaabuo ma kaamɛ baakple baasɛnkɛ. Nioso lɛyɛkɔ lapɛ batii bamuu nianya ma ni osie kanya.

Kanya badikitɛ nwu nkpo nkpe osie alɛ baafuo kolo otĩi alɛ kanto atannɔɔ nse boobuɛ ɔlaa nii mantɛ. Bakpe osie kafɔɔ alɛ baamunikĩisa ntu mmuu ninkple ntɔ, bakpe osie kafɔɔ mankyesee dibuo lele kaasɔ ka mmle suoto di mmle okle dilɛ ma ni kanya.

Kanya badikitɛ banyɔ ba mmle ninle nnɔnyi awoso anyɔ ku bakandiɛ atikasaa anyɔ ya nin-yɛ ni kaasɔ ka mmle Saate anu nɛ. Nse otii owo lekpee kɔnyaabe alɛ ɔɔbla ma amumu yi, ɔtɔ ndie ma kaanya kamɛ kunwɔɔsa balo lɛma nwu. Nse otii owo kafɔɔ lemiɛ alɛ ɔɔbla ma amumu awo yi, osuku nwu nkpo suoto kafɔɔ manfe mankpi nɛ.