Popular Bible Verses from Fìlípì 2

Share

Yo ꞌví tò kiì gbí òkò tí yo lá. Yo delè ꞌví bàkà ꞌviya gbí òkò tí yo lá. ꞌBí ꞌduù gbí òkò tí yo ꞌví bàkà tí wó máa yì ma nò ji ndâ ꞌbí ka wó lá, yí ꞌví si ndâ ꞌbí ka wó ta o ꞌdáá gî tí ndâ kpóló-kpolo ꞌduù ndii yí gî. ꞌDuù ꞌví koṛo có me ká gítí miṛi wó cuki lá, yí ꞌví koṛo có gítí ndâ ꞌbí ka wó.

À ꞌví dù gbí muu yo káa gbèe ŋa có tí nó gbí muu Bìndi-Mbíṛì tí Jézù nô

Tú Jézù táánò a tú Mbíṛì, káa yí zèè có gítí bà dù yí tí Mbíṛì nò me kácá-kácá lá. Yí giì jee bà dù tú wó tí tú Mbíṛì nó mí to, yí giì je tú bòò. À giì jò yí je cè kózò tí ndâ ꞌduù. Yí mâ giì ꞌde tú wó tí tú ꞌduù, yí giì si tí wó tí i kùṛo Mbíṛì lá, ta bà ꞌdi có mì Mbíṛì gí mì ku, náa à kpêtí káa bà cì yí mí tí njèèkpè mû, yí giì ùnje gítí  gî.

Tacó a Mbíṛì ká kû bàkà nèté gbí njembí yo, tacó wàa yo ꞌví dù ta go bà bàkà i tí nó mbe kû peteke tàkòcò wó nô.

Tacó énò, Mbíṛì giì te yí ngéé gí yaà, bìndi  yí giì gbì ṛè ŋìnó mbe wu co tí ndâ ꞌbí ṛè ꞌdáá gî nó mí muu wó. Tacó wàa, ndâ i tàṛì, ta ndâ i muu to tí nó, ta ndâ i tà to ꞌdáá gî ꞌví ùlù ṛè Jézù. Delè tacó wàa, ndâ ꞌduù ꞌví ꞌdè có ta nje ndú gbí ŋa ndâ nje có ꞌdáá gî, máa, Bìndi-Mbíṛì tí Jézù a Mbe tí ndoo, tacó bà wu ta ṛe Mbíṛì tí Bu ndoo.

Yo ꞌví bàkà ndâ i ꞌdáá gî me ta bà ꞌdè ngùṛù-ngùṛù có lá. Yo delè ꞌví bàkà ndú me ta bà ꞌdè kòlòwò lá, tacó wàa, yo ꞌví tù ta bà tí yo tí ndâ yê ta vò i mì yo wálá, ta njembí yo ngbáṛángàꞌi, tí ndâ ꞌviì mì Mbíṛì ta bà lê tí yo wálá, gbí òkò tí ndâ vóló-volo ꞌduù tí nó kpónó mbe kû co tí lókó-loko kpokèjì nô. Yo koṛo muu yo énó máa, yo kû ꞌvala gbí òkò tí ndú go ngbaꞌo.

Yo ꞌdo sàà káa ndâ mbe kû ꞌdi có mì ye ta o ꞌdáá gî, ndâ tó ꞌduù mì ye. Káa yo ꞌví dù tí ndâ mbe ꞌdi có mì ye nò me ká ta o tí nó náa ndoo má kuu ta ndoo a bà gbèe to nó lá. Yo dù kácáá nje nèté, tacó bà ꞌvala miṛi yo ꞌdo gbí vò i ta ꞌdì á nje yo wálá.