Popular Bible Verses from Kòlósìyà 1

Share

Yí ꞌvala ndoo ꞌdo gbí wotí mì ꞌdíꞌdiꞌo mì vò i, bìndi  yí giì ꞌdòkò ndoo gí ꞌbá mì kpóló-kpolo ꞌViì mì wó

Tacó a yí ká suu ndâ i tàṛì, ta ndâ i muu to tí nó ꞌdáá gî. A yí ká suu ndâ i ŋìnó náa ndoo kû ŋò ndú ta ṛo ndoo nó, ta ndâ i ŋìnó náa ndoo ŋò ndú ta ṛo ndoo lá nô. A yí ká suu ndâ gba, ta ndâ mbe to. A yí ká suu ndâ mbe zogo ꞌbá, ta ndâ mbe wotí. Mbíṛì je wotí bà suu ndâ i ꞌdáá gî a i ji yí. Mbíṛì suu ndâ i ꞌdáá gî tacó tí wó.

Yí táánò sàà kuu tí  kùṛo o bà suu ndâ i ꞌdáá gî. A wotí mì wó ká kû eṛe ndâ i ꞌdáá gî toko gbaànjé.

Bìndi-Mbíṛì je a kózò tí Mbíṛì náa ndoo ŋò yí lá. Yí a ꞌviì-kíṛi, tí kùṛo ndâ i tí nó náa Mbíṛì suu ndú nó ꞌdáá gî.

ꞌDo tí o tí nó náa Èpàfáràsì ꞌdè ta có ji ze nó, ze yee tí wúnó jé waa ꞌdo tí bà ꞌdeke tí ze ji Mbíṛì tacó tí yo lá. Ze ta o ꞌdáá gî kû yù nambeè á ꞌdo mì wó, máa, yí ꞌví je muu tacó bà bàkà go có mì wó ji yo me gbolò. Ze delè kû yù ꞌdo mì Mbíṛì, máa, yí ꞌví je bà ꞌdi gbí-o gítí ndâ có mì wó ji yo. Ze delè kû ꞌdeke tí ze ji Mbíṛì máa, yí ꞌví si yo ꞌví ꞌvala go có mì Mbe tí ndoo, tí ŋa ꞌválá ŋìnó mbe kû peteke tàkòcò wó ta o ꞌdáá gî nô. Tacó wàa, ꞌválá mì yo ꞌví dù a ꞌválá ŋìnó ta i ká gbí  gbí ndâ ŋa ndâ tó nèté ꞌdáá gî, wàa muu yo ꞌví njaanga gítí bà ŋò Mbíṛì ni .