Popular Bible Verses from 1 Tìmàtéyò 2

Share

Tacó Mbíṛì ká gbaànjé cuki. Mbe kû ꞌviindi gbí òkò tí ndâ ꞌduù muu to tí nó ta Mbíṛì delè ká gbaànjé, tí Bìndi-Mbíṛì tí Jézù, mbe sì miṛi wó ji ku á muu ndâ ꞌduù ꞌdáá gî. Mbíṛì táánò tuu yí tí mbe ma có ꞌválá ji ndâ ꞌduù ta tó o mì wó mbe ꞌvii gbí muu wó tí Mbíṛì.

Má énò, kpédélé có mì ye ji wò énó, máa, wò ꞌví ꞌdeke tí lo ji Mbíṛì tacó tí ndâ ꞌduù ꞌdáá gî. Wò ꞌví yù i gítí miṛi lo ꞌdo mì Mbíṛì. Wò ꞌví yù nambeè ꞌdo mì wó tacó tí ndâ ꞌbí ꞌduù. Wò delè ꞌví ꞌdè nìkì maa ji yí. Wò ꞌví ꞌdeke tí lo ji Mbíṛì kpolo ma tacó tí ndâ gba mì ndoo, ta ndâ kpo-kpò ꞌduù kùṛo ndoo, tacó wàa ndoo ꞌví ꞌvala ta wo gbí òkò tí ndoo lá, ndoo ꞌví ꞌvala a i gbí ꞌdê tí, ta bà te duù mítí Mbíṛì, delè ta bà bàkà ndâ i ŋìnó mbe ꞌvii á ṛo ꞌbá nô.

Má énò, có gbí muu ye énó máa, ndâ ꞌduù tí ndâ bàndò ꞌdáá gî ꞌví ꞌdeke tí ndú ta bà kaa ꞌbì ndú, tí ꞌbì ndâ yê ta vò i mì ndú wálá, á gí yaà ji Mbíṛì, ta pétékè tàkòcò ndú, delè ta gbínje gbí òkò tí ndú wálá. Có mì ye ji ndâ niì énó máa, ndú ꞌví yuu bòngo ŋìnó mbe ꞌvii á ṛo ꞌbá mbe te nô mí ṛo ndâ ꞌduù lá nô. Ndú delè ꞌví je mbí ndú kpolo ma mítí bà te banga cèkèè tacó bà mà tí ndú ji ndâ ꞌduù lá; ndú ꞌví te banga a i ta bà bàkà ndâ tó i á go i mì ndâ ŋa ndâ niì ŋìnó mbe tùbà tí ndú tí ndâ mbe ùnje gítí Mbíṛì gî nô.