Popular Bible Verses from Rüma 11

Share

Nih gbo nga ïrï Me, angü Me mere wü e ꞌburu me-ye. Fü ah ato wazi fü ewü teka de wüh di ezu. Nih gbo nga ïrï Me, angü Me ngbü eküwa wü kpara ꞌburu me-ye. Nih gbo nga ïrï Me, teka wü ngü de te engu mere de bala ne, angü ngü la reke gbü jijia na fa sü. Nih di egbo nga ïrï Me fï mere badi! Ah di bala.

Nih gbo nga ïrï Me, Angü engu de mürü züka maguma! Nih gbo nga ïrï Me! Angü engu wu ngü ꞌburu kpo! Nih gbo nga ïrï Me, angü engu ngbü emere mere bi wü kpeke ngü, teka aküwa wü kpara ka-ye. Ni gbo nga ïrï Me, teka züka ngü te engu ngbü emere fü wü kpara ꞌburu de züka maguma ye ne.

Nih gbo nga ïrï Me, angü Me ngbü emere ngü ka-ye baka fïngangü ka-ye. Nih gbo nga ïrï Me, angü kpara biringbö te tï ato rïrï fefe na nda ma.

Kpah bala, enatikine, Me fe mba wü gara kpara eyi, esüka a, wü di enga Yïsarayele, teka *züka maguma ye, teka de a fü maguma a, ale ngü ka Yesu *Kurisito. Me fe a, neh teka ne? Ah fe a teka züka ngü te a ngbü emere gbü jijia na ne, nda de. Ah fe a ka-ye teka züka maguma ye. Angü dela ngü te engu le me-ye. Te Me ena angbü efe a ta, teka züka tima te a ngbü emere ne la, de bane ngü ka züka maguma ka Me ena adi ta de kükürü ngü.

Me mere züka ngü eyi. Ah ba e te engu de ya gara rü ka kötï asidi. Fü ah adu aza wü gara ya-rü ka gü, akpokpo da ya-rü la. De-yi, wü ganzi kpara, yi baka gara ya-rü ka gü, te wüh kpokpo eküte rü ka kötï la. Tïtïne yi du ngbü eyi elala eküte züka rü ka kötï la, angbü emaka wazi gbügbü na. Dela züka ngü, amba ma ngbü emala fü yi kpekpeke, gü ba, yi mere e akpa ngü wü di enga Yïsarayele de. Angü sï-rü ngbü emaka wazi neh esaka ya ye? Ah bala de. Ya-rü ngbü emaka wazi me-ye esaka sï ye, teka angbü ega di.